4º Edison festival di batuku ku grupus di Ilha Santigu

batuku_poster_rgbwithbcaDja sta na 4º Bês ki Asosiasâu Delta Cultura Cabo Verde ku parseria di Camara Municipal di Tarrafal, ta fasi festival di batuku na konsedju di Tarrafal ku grupus di Ilha Santiagu (2006,2007,2008,2009).
Nós itenson é pa nu manifesta nos kultura ké Batuku, fasi ki mas Kriánças y jovens partisipa y pa nu ka dexa nós tradison pa mori y tanbê pa okupason di tenpus libris di minis.

Intruduson
Kel projetu li é um ideia di Delta Cultura ku intenson di da si kontribuison pa kultura Cabuverdiana y prinsipalmenti na Santiagu undi ki ixisti ixsilenti kondisan pa disenvolvimentu na kel aria li ( Kultura distakandu nós musika, olaria, tesiklagen, y Batuku y tanbê nos funana y utilizason di sinbóa.

Motivason pa festival di Batuku
Santiagu é un bersu di raínha di batuku ki erda mesmu força y puder di priserva kel likidu ton prisiosu di nos kultura atrabês di grandi grupo ki sta tudu dia kada bês mas forti y  ki ta dexa marka atrabês di divulgason di batuku na tudu sentidu.
Di kel manera li a nisisidadi di kontinua konserba valoris tradisionais di Santiagu i pa uni grupus di batuku kada bês mas y pa ki batuku ten kabês mas motivason pa minis.

kel festival li é organisadu pa Asosiasâu Delta Cultura Cabo Verde y ta konta ku parseria de Kamara Munisipal di Tarrafal, BCA Tarrafal GirassolTours (agencia de Viagens & Turismo)

Leave a Reply

Your email address will not be published. Required fields are marked *

*
*
Website