Midjoramentus di Alunus na Skola

Através di projectu ki finansiadu pa Fundação Georg Kraus Assoasiason Delta Cultura ta trabadja ku serka de 30 kriánsas ku idadi entri 7 a 12 anus di idadi ki sta na klassi diferenti na skola.

Pa kumpanha kes kriánsas di kumesu di skola ti fim di skola assosiason Delta Cultura ta disponibiliza di 2 orentadoras um pa kumpanhas y djudas ku ses trabadju di skola kel otu é pa das ola di informátika.

Na kel anu li nu rapara um subida na nota di skola di aluna Maria Livramento Silva Tavares ki ta studa 5ª klassi  antis é tinha alguns difikuldadi na sis notas ki staba tudu negativu.

Prumeru Prova di Skola

  • Língua Purtuguesa: 7,5
  • Matimátika: 9
  • Sensias Integradas: 7,5

Sugundu Prova di Skola

  • Língua Purtuguesa: 9,2
  • Matimátika: 14
  • Sensias Integradas: 17

Y gosi tudu kenha ki apoial pe passa kel difukuldadi li sta kontenti y própi Maria sta feliz y é teni mas motivason pa studa.

Kes otus alunas ki ta fasi parti di projectu sta ta kumpanha dretu y es sa ta esforsa txéu pes midjora kes notas ki sta mas baxu.

Leave a Reply

Your email address will not be published. Required fields are marked *

*
*
Website