Delta Cultura na cimera di Beyond Sport na Londres

Kes dos fundadoris di streetfootballworld Johannes Axter (esquerda) e Jurgen Griesbeck (direita) ku Florian di DCCV.

Grasas a un conviti di nos parcero streetfootballworld, Florian participa na un  iventu di 3 dia ki fazedu na Londres (Inglaterra).

Na kel incontru ki ta fazedu di anu en anu, ta ten, palestras, workshops e  cirimónias di prémius en volta di kel tema disportu pa disenvolvimentu sucial.

Nu recebi kel conviti pamodi dja nu tinha fetu nos M&E (Munitorizason e Avaliason) duranti um workshop li na Delta Cultura.

Gossi nu ta fazi parti di un programa ki ta tchomadu InFocus, ki sta na prucessu di implimentason di un software i novus métudus criativus pa midi sucessu.

Kel ixpiriência di Delta Cultura na kes primerus més di kel programa Infocus ta fazeba parti di kel workshop di Beyond Sport.

Para alén di kela, duranti kes dia di workshop ta ten palestras interessantis e claru, tcheus opurtunidadis di  trabadjus en redi. També ta fazedu tcheus novus contactus. Di nós parti só restanu agradeci streetfootballworld pa más un opurtunidadi.

Kel ultimu parti di kel workshop foi didicadu a prémius pa kes grandis personalidadis, sima David Beckam, Mohamed Ali (Kel grandi boxeru) i inda Michael Johnson. Inda na últimu parti di iventu foi dedicado a prémius pa kes organizasons ki ta trabadja na ária di disportu, pa disenvolvimentu.

Kes 2 (dos) organizason, kí ê també membrus di redi streetfootballworld ki ganha kes prémus é: Amandla EduFootball di África du Sul i GOALS Haiti, i Delta Cultura ta apruveta pa das parabéns pa ses grandi trabadju kes ten stadu ta fazi.

Leave a Reply

Your email address will not be published. Required fields are marked *

*
*
Website