Formason pa trabadjadoris

Duranti dos dia trabadjadoris di Centru di Iducason di Tarrafal ki ta trabadja ku kriansas na ses dia-a-dia partisipa na un workshop sobri Pidagogia.

Kel workshop staba sob risponsabilidadi di dôs stagiárias da Academia Social de Viena (Áustria), Anna Schrammel e Julia Wild, qui dja sta na fin di ses stágio na Tarrafal, ki dura 3 més.

Na kel workshop kes trabadjadoris podi prendi sobri diferentis manera ki um kriansa podi prendi, modi kes podi lida cu situasons di violensia ki podi contisi quandu es ta trata kriansas, kastigus e konsikuensias bom i ka bom qui nu podi da nos kriansas, midjor forma di da kastigu i konsikuensias pa nos kriansas, un forma des podi també ten opurtidadi di muda ses komportamentu, regras ki nu podi difini pa nos kriansas, Ilugius ki nu podi da comu insentivus pa es mesmus, pamodi kriansas di fatu es mesti kela, manera di trata kriansas agressivus i violentus, i mutu mas.

Ku kel formason li  ki dja nu teni, nu ta konsidera mé mas un feramenta importanti pa trata nos nos kriansas i jovens, i nu kre partilha tantu ku scolas, jardins i otus assosiason ô instituison ki ta trabadja ku kriansas sima nos, pa ses midjor disenvolvimentu.

Leave a Reply

Your email address will not be published. Required fields are marked *

*
*
Website