Delta Cultura na intercâmbiu di FIFA na Cape Coast – Gana

Delta Cultura di Cabu Verdi partisipa na mas un prugrama di intercâmbiu di FIFA di 7 a 9 di Agostu pa membrus di redi streetfootballworld qui contici na Centru di Futibol pa Sperança di Oguaa na Cape Coast – Gana

Prugrama, disenvolvimentu di capasidadis e coerver coaching qui ta konstitui un ferrementa pa disenvolvimentu sucial di kumunidadi, foi implementadu pa streetfootballworld i Play Soccer Ghana, ku patrocíniu di FIFA e Adidas, pa disenvolvi kapasidadi di administradoris di futibol i trenadoris na sub-region ta procura uza influensia di futibol pa disenvolvimentu susial di kualker cumunidadi.

Sinhor Abdul Wahab Musah, gerenti di Centru di Futibol pa Sperança di Oguaa fla u siguinti”futibol ten putensial di ser un pódiu viável pa riforsu di kapasidadis di jovens na núcliu di rikursus humanus pa disenvolvimentu di várius kumunidadis i di país di un forma geral”.

Pa si ladu, Panos Manologlou, riprisentanti di FIFA, Streetfootballworld afirma ki objectivu di workshop ê di djuda partisipantis a disenvolvi i prendi nobus habilidadis pa midjora ses prufison. Kel inisiativa, sugundu el, ta fazi parti di risponsabilidadi susial di organizason.

Workshop ê sugundu bês ki sta ser realizadu na Gana i konta ku participantis di 10 organizasons di país sima, Burkina Fasu, Kabu Verdi, Camarons, kosta di Marfim, Gana, Libéria, Mali, Nigéria, Senegal i Serra Leoa.

Kes participantis tinha opurtunidadi di discuti i partilha temas-chave na kumunicason susial, qui inclui redi di kumunicasons, métudu i ferrementas, relasons públikas, tátikas, i inda língua e a kultura.

Na fin participantis di workshop ispressa tcheus satisfasons na komu kel prugrama ta bai influensia trabadju di ses organisasons pa disenvolvimentu di ses kumunidadis atravéz di futibol.

Leave a Reply

Your email address will not be published. Required fields are marked *

*
*
Website