Delta Kultura apoia 220 alunus di Cidade di Tarrafal

Asosiason interkultural Delta Kultura di Kabu Verdi, apoia cerka di 220 alunus di Cidadi di Tarrafal di Santiagu ku material di skola i pagamentu di propinas. 

Un di kes mininus ki resebi apoiu skolar di asosiason

Inisiativa kontisi dentu di prujetu “Apoiu Skolar” ki djunta 220 alunus di Tarrafal, un prujetu ki ta kontisi tudu anu, na komesu di skola.

Grasas a parseria ki Delta Kultura ten ku si parserus, ê ta podi da tudu anu kes alunus ki ta sta na Sentru di Idukason di Tarrafal, kes tipu di apoiu li i otus más, duranti tudu ses tempu kes ta sta na sentru, ké giridu també pa Delta Kultura.

Di kel kit di matirial ooferesidu, fazi parti tcheus kusas, sima kadernus, livrus, kanetas, lápis di kor i mutu más, pa kes alunus ki sta na primária i kes otus ki sta na liseu.

Inda pa fla ma pa kes ki ta studa na liseu ês ta pagadu propina paralén di kes matirial kes resebi. Pa finaliza, kubertura di ês prujetu ta ronda serka di 150 kontu kada anu, un dinheru ki delta kultura ta ntendi ma sta ser ben utilizadu, na apoiu a kriansas ki ê futurus di Kabu Verdi.

Leave a Reply

Your email address will not be published. Required fields are marked *

*
*
Website