Prémius du Anu

Kel novu anu di skola ki dja komesa pa tudu kantu di Cabu Verdi, dja komesa també na Delta kultura  ki ta aprizenta tcheus nobidadis na inisiu des anu li.

Fernando Tavares, mas konxedu pa Néné, na atu di entraga di kes prémiu.

Pa komesa, asosiason da tcheus prémius i inskrevi inda tcheus novus minis na sentru di idukason, sen fla inda di tcheus matirial ki distribuidu.

En rilason a prémius, pa fla ma foi atribuidu a kes alunus ki distaka, a várius nível, desdi komportamentu,  notas di skola, resultadus disportivus i más.

Kel atu di tudu kes atividadi dikori na Sentru di Idukason di Tarrafal, ki ê geridu pa Delta kultura i konta ku prisinsa di kuasi tudu pissoas di familia Delta di góssi mas sen skeci kes ki duranti tcheu anu passa ses tempu na Delta Kultura ta studa tanbé.

Kes minis ki premiadu, resebi di asosiason tcheus brindi, más sertamenti ki más ta marka kes minis é kés kamizolas di jugador kes ta admira tcheu, sima Messi, Ronaldinhu, Toti i inda tcheus otus.

Pa fla també ma kes prémius li ta sirbi comu un grandi motivason pa kes minis, ki ta odja na kel premiu mas un razon/motivu pa da más kabidal na skola i pa ser sertamenti un homi di futuru.

Asosiason inda ta da parabéns a tudu integrantis di Sentru di Idukason di Tarrafal, indipendentimenti di rizultadus kes ten, i pa fla ma Delta Kultura ta kontinua ta apoias sempri, mas sempri ki for presizu pa djudas ten un futuru midjor.

Leave a Reply

Your email address will not be published. Required fields are marked *

*
*
Website