Atendimentu psikológiku digrasa pa studantis

Dentu di prugrama atendimentu psikológiku asosiason Delta Cultura di Kabu Verdi (DCCV) djuntu ku ICCA – Institutu Kabuverdianu pa Kriansas i Aduliscentis oferesi atendimentu psikológiku digrassa pa studantis ki ta sta na studa na Sentru di Idukason di Tarrafal. 

Día 28 di Setembru di 2012, 2 (dos) psikólugus di ICCA, Nilson Jorge Gonçalves Mendes e Ana, psikóluga stagiária na institutu, stevi na Delta Cultura pa un prumeru vizita i anális sobri atendimentu psikológiku, fetu só pa kriansas/aduliscentis di Sentru di Idukason di Tarrafal qui na prumeru vizita djunta 8 (oitu) mininus.

Obujetivu di kel inkontru era nun prumeru momentu identifika i curigi kes maneras di pensa i komporta na kes mininus, ki ta influensias di manera negativu duranti ses dizenvolvimentu psikosusial i inda també na ses dizenvolvimentu a nivel di skola i pa kelotu ladu das opurtunidadi pa prendi más i dizenvolvi també más kada un des.

Conformi akordu entri kes dos ladu kel atendimentu ta ben kontisi tudu més na sentru, más ka ten ki paga nada nen di parti di kes mininus nen pa asosiason Delta Kultura, un inisiativa ki delta ta valoriza tcheu pamodi asi ta djuda asosiason inda más na djuda kes mininus.

Di baxu, nhós teni kes fótus di kel prumeru vizita na sentru, i Delta Kultura ta prometi da notisia já já sobri prósimu inkontru.

Leave a Reply

Your email address will not be published. Required fields are marked *

*
*
Website