Kanpionatu Rigional Sub -17

Kampionatu rigional di sub 17 na Santiago aranka si primera fázi ku 6 ekipas, dós di Tarrafal, dós di Santa Krus, un di Orgons y un di Calheta.

Skola di futibol Delta Kultura també partisipa na kampionatu, y es entra ku pé direitu pamodi es ganha skola di Txon Bom Siruaela pa 3-1 na primeru jogu ki foi disputadu na stádiu munisipal di Tarrafal, y assi es ganha ses primeru 3 pontu.

Si ki bai kes primeru jogu ki ta da asesu a kampionatu nasional di mesmu skalon undi ki ta bai partisipa tudu kes primeru klassifikadus di kada region, ki sima tudu sa indika ta bai ser na meadus di Julho na ilha di Fogu.

Prósimo jornada sta markadu pa prósimo fin di simana dia 12 di Maio, ku ekipa di Delta Kultura ki ta disloka ti Santa Krus pa juga kontra skola futibol di Konselu.

Pa rilembra també ma tudu jogu di primera fázi di kampionatu rigional ta disputadu tudu domingo pamodi tudu kes jugadores di kes ekipas é tudu studantis.

Leave a Reply

Your email address will not be published. Required fields are marked *

*
*
Website