Marcha Pa Pas: Tarrafal 2013

Na ultimus tempus, Tarrafal tem stadu ta vivi un klima di terror, devidu a assaltus, pankadarias y assassinatos. Sta ma di uns tempus pa li populason ka ten tidu susegu y ki alguns pessoas teni até propi medu di sai di kasa ku kes akontesimentus li. Nu ka podi fika indiferenti a kes fatus li, […]

Kampanha di rikolha di livrus

Sentru di Edukason Delta Cultura teni un bilbioteka pa bem sirbi kriansas y jovens di komunidadi, mas sa ta nesessita di txéus livrus di kaualker kategoria pa kria gostus y konhesimentus pa visitantis  y kolsultoris. Kualker un ki teni alguns livrus na kasa ki kre dá pa bem enrequesi kel biblioteka nu ta aseita y […]

Fim di Prazu di Inskrison

Delta Kultura Kabo Verdi (DKKV) sta informa tudu alguen ma infilismenti pa tristeza di alguns, dja tirmina prazu di inskrison pa novus partisipantis di Sentru. A partir di gossi ta inskrevedu só kes kriansas já é partisipanti di Sentru. Mas di kualker manera, y kasu ta sirvi di konsolu pa kes ki ka konsegui inscrevi […]

Disponibilidadi di Sentru

Sentru di Idukason Delta Kultura (SEDK) fundadu na 2002, ki ta fika na Tchada Tomás, a 50 metru di sentral di Tarrafal, ta informa u siguinti. SEDK ki ta trabadja ku kriansas i jovens di tudu kantu di Tarrafal na árias sima Idukason, Formason, Kultura i Disportu, sta ekipadu ku salas di óla, karpintaria, kanpu […]

Sentru di Idukason Delta Kultura (SEDK) fundadu na 2002, ki ta fika na Tchada Tomás, a 50 metru di sentral di Tarrafal, ta informa u siguinti.

SEDK ki ta trabadja ku kriansas i jovens di tudu kantu di Tarrafal na árias sima Idukason, Formason, Kultura i Disportu, sta ekipadu ku salas di óla, karpintaria, kanpu relvadu di tamanhu 40×20, sala di informátika, kuzinha, sla di xpozison i inda un sala multiuzu ki ten tanbé un biblioteka, ta sta abertu di sugunda a sexta, di 8 hora ti 12 hora di sedu i di 2 hora ti 5 hora di tardi.

Di kes tudu kuzas ki minis ta fazi la, nu ta podi distaka, apoiu xkolar, olas di splikason, trenus i jogus di futibol, trabadjus di grupus, piskizas na internet di grasa pa trabadjus di skolas a tudu alunus di liceu di Tarrafal i non só, akonpanhamentu médiku i psikológiku, i más, sen fla ma SEDK ta fazi tudu kel trabadju li, ku pokus rikursus, tantu humanu i finanseru.

Más, mesmu dentu di kes konstrangimentus li, SEDK ta informa a tudu asosiasons, grupus disportivus, pikenus grupus, pssoas indivuidual a tudu kenha ki sta interesadu, ki SEDK sta senpri dispunivel a és tudu, pa partilia kunhisimentus, ilabora prujetus djuntu, intekánbius, formasons i tcheus otus kuzas.  

Pa más informason, bó ki kré sabi más sobri SEDK bu podi tchoma pa 266 27 01 ó skrevenu pa office@deltacultura.org ó inda bu podi fala ku un di kes funsionárius ki ta trabadja na sentru ki bu konxi ó inda tanbé bu podi vizita nós saiti na deltacultura.org dispunivel na kuatu lingua.

Nu sta spera bu vizita a sentru pa konxi i sabi más sobri SEDK.

-->