Doasons

Sentru di Idukason Delta Kultura (SEDK) kaba di resebi di parti di nos kirida kantora Leny di Milha, el ki ganha festival di 7 sol 7 lua na 2012 na Fogo, un serie di matirial pa djuda kriansas i jovens di Tarrafal ki ta fayi parti di SEDK.

Dentri kes matirial nu ta podi distaka algun di uzu xkolar sima, regua, transfiridor, papel almassu, kadernu, xkuadras, kartolinas i tcheus otus, mas tanbe nu resebi inda di Leny alguns matirial di xkritoriu sima inprissora, resma di papel, agrafus i grafador i inda otus mas.

Pa fla am tudu kes matirial ki Leny da pa sentru ta ben ser distribuidus alguns pa kes mininus i mininas i otus ta fika na sentru pes uza duranti ses studu kes ta fazi la na sentru.

Mas un bes, sentru i tudu kriansa i jovens ki ta fazi parti di sentru ta agradesi es forma carinhoza ki Leny atcha pa djuda, i ta dezeja a Leny tcheus susessu na si trajetoria artistiku.

Obrigadu Leny.

Leave a Reply

Your email address will not be published. Required fields are marked *

*
*
Website