Stória di Idukadoris y Kriânsas

Lia un kriânsa di jardin di infansia. Sima maioria di sês kolegas, ê gosta de dadji na mi y dan ku pedra, mas na brinkadeira. Y amin nunka n´ka nsabi modi kin n´ta fasi oras kês fasi kusas li…
Un di kusa difisil di splika , kusa ki kontisi entri mi ku Lia: nu ten mas di 5 minotu sen fala nada, só ta odja un ku otu na odju, ku pouku sorisu ku kunpanheru…dêsdi kêl munentu nunka mas ê fika violenta ku mi y nu fika midjor amiga atê hoji.
(Nico – Vuluntáriu Italiano)
Carla ê un minina di 10 anu di idadi ki vivi ku si mai y si irmã mas nobu. Carla bên Centro desdi 2014 y ê disenvolvi un grandi kapasidadi intelekitual na txêu árias (arti, línguas, etc.) y ê klaru ki el ê txêu feliz oras kê ta stá na Centro.
Kantu ki si mai konsigi un inpregu, Carla kunesa ta kuida di si irmã mas grandi. Si, maior parti di tenpu ê kata konsigui ben Centro, y oras kê konsiggui ben ê ten ki trasi si irmã juntu kol y karegal pa tudu lugar kê ta anda na Centro. nton pê kuida di kriânsa y bên Centro fika un rialidadi limitada y ingrata pa Carla
(Gilson – kordenador di Prugramas)
Ê notável ki na jardin di infânsia na pikinoti grupus de kriânsas. Es tudu ta brin´ka ku kunpanheru y ês é koletivu. Na inisiu di jardins staba diferenti… Gossi ês ta dividi sês lanxi ku kunpanheru, y ês ta dan tanbi.
Claydira txiga na Centro uns anus atrás. Ê gostaba di sta na Centro. Prova di kêli ê ki ela senpri ta anda di vila mas próxima (chão Bom – 3 km di distancia) pa Centro tudu dia. Al bês sên almosu. Ê foi kriadu pa si dona, ki ka teni dinheru pa pagal karru pê podi bên Centro.
Gossi mai di Caydira dja proibil di bên Centro. razão? Ê pamodi si nota di skola baixa di 19 pa 17 (20 ê nota máxima).
Kêli ê un rialidadi di txêu kriansia di li, ki ta vivi tormentadus pa Pais ki ta akridira ki kuanta mas sês nota ê mas altu midjor futuru ês ta ben tên.
(Gilson – Kordenador di Prugramas)

Leave a Reply

Your email address will not be published. Required fields are marked *

*
*
Website