Akunpanhamentu Xkolar

Pa ki minis ka fika afastádu di matérias di skola i tanbé antis des volta pa Sentru di Idukason Delta Kultura (SEDK) pes ben studa di novu, undi kes ta podi dádu más atenson a nível xkolar, munitoris di SEDK apruveta kes ultimus dia di féria pa studa ku kes kriansas ki ten más difikuldadis na skola. Ta trabadja na kes disiplinas sima Purtugés, Matimátika i Siêsia a nível di skolas primárias, serka di un dúzia di kes kriansas stevi na sentru ta studa, i inda un di kes munitora di nós sentru stevi tanbé na kaza di kriansas ta studa kos. Obujetivu dês atu li, foi, da más nkorajamentu a kes minis li, trabadja autuxtima pa skola i pa studu djuntus kós i mutu más. Já já kes minis li ta bem sta di volta a sentru pés ben da kontinuidadi a kel prusesu ki ta stadu nel li na sentru senpri oras ki skola komesa.

Leave a Reply

Your email address will not be published.

*
*
Website