Campion du Mundu 2014

campeão_1Delta Kultura Kabu Verdi (DKCV) ki staba ta riprizenta Kabu Verdi i Tarrafal en partikular na Brazil, ganha kel torneiu di futibol for hope ki dikorri duranti kel festival di mesmu nomi, na sidadi di Riu di Janero – Brasil.

Na final, Delta ganha ekipa di sport dans la ville di Fransa pa 1-o ku golu a ser markadu pa Danilson Cardoso mas konxedu pa Da na meiu di si amigus.

Dipos di kel grandi konkista li, DKCV dja resebi parabens di txeus otus dilegasons ki staba prizenti na kel torneiu, pa lenbra ki era 32 ekipas di 27 pais, mas tanbe di otus organizason, sima streetfootballworld.org ke un redi ki delta ta fazi parti, mas tanbe di txeus amigus tanbe di Kabu Verdi i na strangeru.

Delegason ta txiga kabu Verdi es domingu li pur volta di 20h40mn na un voo di TAAG ki ta ben di Angola.

Na Tarrafal undi ki sta sedi di DKCV dja sta tudu preparadu pa resebi nos kampions di mundu.

Parabens DKCV ki soubi reprezenta ton ben nos pais, nos Tarrafal, atraves di bon pratika di futibol ku fair play, mas ku ses komportamentu i nos tradison tanbe.

Leave a Reply

Your email address will not be published. Required fields are marked *

*
*
Website