Na dia Domingu passadu kel prujetu ” A brinkar” – rializadu pa Associason thehumanrightsproject, en kooperason ku Delta Cultura Cabo Verde – tinha si pontu altu di kapasitason di fotugrafia di largu scala di serka di 250 kriansas ki djugaba 86 difereti djogus. Na kel projectu tanbê tenha partisipason de crianças di Delta Cultura Cabo Verde, ICA di Assomada y skola futibol di Tchão Bom “Tó”. Kes grupus di kriansa staba djuntu di lokal di fasi fotu y la tenha komida y bebida, y ku txéu variedadi di brinkaderas y djogus ki era pa manteba kes grupus tudu inidu y ku motivason. Na kel lugar ki era pa fasi fotu staba divididu pa 11 setoris. 11 setoris 11 fotus, ki fotografu Lukas Hüller ta ben djunta na kunpanheru, ku ajuda di programa di komputador, na um grandi y uniku imagen. na kada setor podu numeru na txon, pa identifikaba lugar undi kriansa pudi fika na sés pusisão pa kel fotu. Enkuantu Lukas Hüller ta tra fotu outro 2 assitenti Juliane Hauser e Fu sta la pa djuta. Marisa staba ta organiza djogus y brinkadera pa kes kriansas leba pa tra kel fotu, Kutchinha, Nene, Zito, Salsa, Nancy, Sonja, Milton, Andreas y Florian staba ta organisa grupus ki es era responsavel.Tanbê tinha Laurant, Claudio y Ana ki kordevnava posison y lugaris ki kriansas tenha ki fikaba na pusison pa tra fotu tinha Jennifer ki staba ta fasia fotu di na lugar di brinkadeira. Na final todu kriansas ki staba la forma três diferenti grupu, y tudo es partisipa na difernti djogus y na fin es tinha primiu ki foi duadu sima,material skolar, kusas igieniku, intrumentus uteis entre outrus Staba txéu trabadju, mas ki korri ku grandi sussessu tudu kriansa gostaba. gossi nu sta tudu kurriosu pa spera pa odja modi ki kes fotus ta fika! Mas na prujetu só ta txiga fin oras ki Lukas djá tra na otus lugaris simelianti na otu kontinenti. ku visão di artigu 31º artugu di convenson dus direitus di kriansas- ki ta fla ma kriansa ten direitu di brinka y partisipa na vida kultural. A koperason entri thehumanrightsproject e a Delta Cultura Cabo Verde tanbè es ta konstrui um palku ku sonbra. objetivu é dexa un kusa ki ta fika pa kriansa brinka. Nu ta agradessi tudu grupus y gentis ki partisipa na kel projetu li y nu ta prumeti da kontinuidai pa nu poi mas kriansa pa isufrui di sés direitu. Um grandi obrigadu.