05 di Nuvembru de 2012 Dja na dia 23 di Novembru de 2012, ta komesa kel ki ê dês bês 7ª bês di rializason di kel fantástiku festival di batuku i tradisons afrikanus organizadu pa Delta Kultura di Kabu Verdi.  Festival di batuku i tradisons afrikanus organizadu pa asosiason Delta kultura tudu anu dja sta na si sétimu bês és anu li bastanti special pamodi ta kumbina ku 10º aniversáriu di Delta kultura. Sima tudu anu, festival ta konta ku partisipason di tcheus grupus di ilha di santiagu i otus grupus di kontinenti afrikanu ki ta residi na kabu verdi i ta komesa un bokadinhu más sedu, 23 di Nuvembru, ku tcheus atividadis desdi rádiu prasa, i inda tcheu jogus sima salta atakada, korida di saku, djogus di oru, dama, karta, djogus di karambola pa mininus i tcheus otus atividadis. Fetival ta rabenta bolha na dia 1 i 2 di Dizembru ku atuason na palku di tcheu grupus di batuku ki ta ben mostra ses arti di da ku tornu (rabola koxa) i da tchabeta. Sima di kes otus bés sta speradu un munton di algén na rua di mangui, na kel festival ki ta komesa un poku más sedu ês anu li mas ki ta dura ku kaba també, i kela ta garanti más festa pa kenha ki ta ama batuku i ta fri korason di kes ki ka ta kré. Konfiri li kel kartáz di fésta pamodi desdi gósi bó é nós konvidadu xpesial. Pa más informason konsulta nos saiti na internet ké deltacultura.org ou kontakta Marisa Correia, risponsável pa ária di kultura na si i-mail marisa@deltacultura.org. Telemóvel: 9718169 ou Tilifoni: 662701. Samir Amir Furtado Telemóvel: 9724804 – 2662701