Gilson

Nomi

Gilson Celestino Borges Lopes da Costa

Nominhu

Gilson or Chibiote

Data di nasimentu

26/08/1990

Na Delta Cultura desdi

Abril 2013

Funson na Delta Cultura

Kordenador di Prugramas

Kusa di nha bida

amin nten 24 anu di idadi y min nta mora na Munteria, Cidade di Tarrafal. Ami é linsensiadu na studu inglesis, na vertenti idukativu, pa Universidadi di Cabo Verde na Cidade di Praia.

Ami é un alguen mutu riservadu ki gosta di sinema, disportu, partikularmenti futibol, muiska y praia di mar. tanbê ngosta di skrebi y lé sobri konportamentu humanu.

Ngosta di sta na anbienti rilaxadu mas nkata fugi di nha rialidadi tanbê kin ngosta txéu di divirti. Ami é un algun ki ka gosta di kusas di injustisa, abusu y violênsia na kontextu geral
Si ben kin nta konsidera nha kabesa sima un alguen tímidu, y ki ta papia poku y ku txéu pensamentus, ngosta di ten nha liberdadi di skodji, liberdadi di papia y puder di disison.

Nta dividi krensa di ki nu ta vivi na un mundu ki tudu pensamentus y atitudis di pissoas sta sistematisadus pa interesis individual dirivadu pau n sistena kapitalista governadu pa elimentus ki é konstituidu pa nagatividadi humana.

Nta akredita ki puder di idukason podi muda mundu enbora seja notadu ki mundansa ki mundu sta teni sata bai na un direson kontrariu.(oposta).

Sobri Delta Cultura

Fundadu na 2002 pa Austríaco Florian Wegenstein ku si Mudjer Cabo-verdiana Estela Correia, Delta Cultura era un kasa ki, di un manera ó di otu é txeu spesial , ki akolhen disdi kriãnsa. Di 12 anu di idade, nkomesa nha prikursu na Delta cultura sima partisipanti di skola futibol Delta Cultura. Na kumesu ka tinha un prugrama idukativus di kual podia partisipa. Trabadju era limitadu sinplimenti pau n trenu di futibol pa skelões y un grupu di batuku ki ta ripresntaba vertenti kultural ki Delta Cultura ta foka na el.

Sima pa mi y pa otus kriâsa na kel altura, Delta Cultura ta ofereseba kel ki sempri nu ta disejaba pa tinha: un spasu undi ki nu podi trena y djuga futibol livrimenti.
Mas ku avansu di tenpu na 2004 Delta Cultura inaugora un Centro di Educação. Y ku kel li Delta Cultura passa ta foka ka é só na vertenti disportiva y kultural, mas tanbê na vertenti idukativu. Di la pa frenti trabadju di Delta Cultura ka ta risimuba só na trenu, jogus di futibol y batuku, mas tanbê na vertenti idukativa. Di la pa freti trabadju di Delta Cultura kata risumiba só ku trenu, djogus y batuku, mas tanbê ku apoiu skolar ki ta konsta na ajudas kriânsa na kontiudus skolar y kontribui sima un riforsu na sês aprendizagen.
Di la trabadju di Delta Cultura ben disenvolvi y alarga ku novus programas idukativus ki engradesi kês valoris y kês signifikadu di idukason y projetus ki ta djuda na diminuison di pobreza.
Dipos kin ternina liseu, ntenha ki dexaba Delta Cultura pan bai pa universidadi na Cidade di Praia. Dipôs di 5 anus, kin terminha nha studu, nvolta pa Tarrafal y resebi un proposta pan bên trabadja na Delta Cultura. Nka isita pan nfla sim pamodi Delta Cultura senpri era un kasa pa mi, y sima mi é un algen ki dja staba ta disenpenha un papel di partisipanti di mesma, nsabi di nesisidadi y di valor ki trabadju di Delta Cultura ten pa partisipantis. Konsienti di keli, nkata dexa di da nha kontribuison pa projectus ki ta fasen kria sima algen y juda kriânsas y jovens ki fasi parti di mesmu a ten un midjor perpetiva pa sês bidas futuru.
Nkomesa ta trabadja sima kordenador M&A pa una nu, y dipõs nfoi subistituidu pa kordenador di programas, funson kin inda nta disenpenha.