Nomi

Samir Amir Sanches Furtado Monteiro

Nominhu

Samir (Lizito)

Data di nasimentu

30.11.1981

Na Delta Cultura desdi

Novembru di 2011

Funson na Delta Cultura

Munitor no Centro de Educação Tarrafal, kolaborason na administrason y monitorisason;

Kusa di nha bida

Mi n´nasi na Ruberas Prata, mas ncria i nstuda na Somada desdi onzi anu. Cu 17 anu nfinda scola na liceu i nvolta pa Tarrafal, mas certo pa fika na Ruberas Prata, undi ncomeça ta da skola na primária. Antis din entra na Delta Cultura, n’trabadja di recepisionista na un hotel la, mas sempri nta djudaba minis ku sês trabadjus di skola la na nha kasa (Ruberas Pratas), cuza ki tinda nta fazi i kin gosta dimás.

Sobri Delta Cultura

Nkonxi Delta Cultura dja tem kantu anu, i duranti tempu kin stevi ta trabadja na Praia, alguns turistas senpri kin flas ma mi ê di Tarrafal ês ta flan sin konxi Delta Cultura, i oras kin flas sin ês ta fikaba kontenti, pamodi ês ta xinti ma asosiason tinha kredibilidadi i era di kunhesimentu di Tarrafalensis tanbê. Mas comu góssi nsta dentu Delta Cultura há já alguns ânus ta trabadja ê ku orgulhu kin ta podi fla ma ê bom dimás, inda más fazi parti di un prujetu sosial ê tem txeu ladu puzitivu. U faktu tanbê di sta podi djuda kes minis na nomi di Delta ê fantástiku, ainda más oras kes ta txiga na mi ês ta dividi ses prublema ku mi, i oras inda kes ta flan ma dja nu konsigui djudas a alkansa un di ses obujetivus di vida, kê triunfa di un forma ou ôtu na ses vida. Nta odja Delta Cultura comu un associason rifirensia na Tarrafal em particular e na Cabu Verdi oras ki nu sta fala na contestu de Áfrika, um associason ki ta fazi tudu pa djuda mininus, jovens i sociedadi na geral. 
Trabadja na Delta Cultura ê un grandi satisfason pa mi e tambê un grandi xpiriência, undi kin ta podi partilha kel kin sabi ku es i nta prendi kos també.