Piditóriu pa angariason di fundus pa Akampamentu di fin di simana na Sentru di Delta Kultura

Kuazi ki tradisionalmenti, akampamentus di fin di simana na Sentru di Idukason di Delta Kultura ta djunta serka di 220 essen_sammeln_4kriansas y jovens ki tan bem pa vizita varius programas idukasionais na final dia anu letivu. Três dia prinxindu ku djogus, diskusons, comida u bebida. Es anu, pa primeru ves na novu Tarrafal Sentro di Futibol pa Speransa djuntu ku un kampu di relvadu artificial. Gosi, kriansas podi pratika ti 11 hora di noti ses talentu na futebol.

Es akampamentu ta bem ser realizadu na fin di Julho. Komu nu ka teni finansiamentu spesifiku pa garanti total apoiu a kes kriansas, Delta Kultura sta ta fazi ses kaminhu pa kumunidadi, undi ki onti pur izemplu, es bai di kaza en kaza ta prukura apoiu en forma di dinheru y/ou kumida. Más di 50 kg di arros, sabola, olio y 3.000 skudu foi konsiguidu. Y nos nen siker nu ka splora metadi di vila inda.

Inkrivel y tokadu també pa spiriensia: kes famílias ki mesmu sendu txeu karensiadu ta oferesi sempre di boa vontade, pelu menus un pikinoti bolsa di arros ou dós sabola. Nu ta odja klaramenti ses disponibilidadi mesmu ku txeu kexa sobri krizi y pobreza…

Es spiriensia y txeu otus diskusons sobri Delta Kultura, nos trabjadu, kondisons di vida di varius famílias ki fazi parti des kampanha di angariason di fundus, un speriensia uniku, ta bem ser diskutidu na akampamentu. Nu ta agradesi tudu kes k doa y k ides manera es fazi kes kriansas txeu kontenti pa akampamnetu di fin di simana na Sentru di Idukason di Delta Kultura!

Leave a Reply

Your email address will not be published. Required fields are marked *

*
*
Website